Home Xəbər Xəbərlər Prezident Yanında Komissiya İqtisadi Tədqiqatlar Mərkəzinin təklifini həyata keçirdi

Prezident Yanında Komissiya İqtisadi Tədqiqatlar Mərkəzinin təklifini həyata keçirdi

İqtisadi Tədqiqatlar Mərkəzinin daha bir təklifi dövlət qurumları tərəfindən müsbət qarşılanaraq icrası ilə bağlı sərəncam verilib. Belə ki, “İqtisadiyyat” yenidən «2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı»nın prioritet ixtisas istiqamətləri siyahısına əlavə edilib. Bu barədə qərarı Azərbaycan Respublikasının Prezidenti yanında Təhsil üzrə Komissiya 57 saylı, 25.05.2012-ci il tarixli Sərəncamı ilə verib. 

Xatıırladaq ki, İqtisadi Tədqiqatlar Mərkəzinin ekspert qrupunun ötən ilin sonunda xaricdə təhsillə bağlı adıçəkilən Dövlət Proqramının həyata keçirilməsi istiqamətində apardığı tədqiqat nəticəsində Proqramın səmərəliliyinin artırılması, ondan daha çox iddiaçının bəhrələnməsi, qoyulan hədəflərə vaxtında çatılması, şəffaflıq və hesabatlılığın gücləndirilməsi ilə bağlı müvafiq dövlət qurumlarına Tövsiyələr Paketi təqdim etmişdi. Tövsiyələr Paketində bir neçə il əvvəl prioritet ixtisaslar siyahısından çıxarılan “İqtisadiyyat” ixtisasının yenidən siyahıya salınması ilə bağlı təklif də vardı.
Qeyd edək ki, Dövlət Proqramına 4 saylı əlavədə dünyada gedən inkişaf perspektivləri, elmi-texniki potensialın inkişafı və ölkənin inkişaf strategiyası və prioritetləri nəzərə alınmaqla sahələrə görə ehtiyacların pillələr üzrə (ixtisasartırma, bakalavr, magistr, ordinatura, rezidentura, doktor) müəyyənləşdirilməsi ildə bir dəfə olmaqla Təhsil Nazirliyi, İqtisadi İnkişaf Nazirliyi, Prezident yanında Dövlət Qulluğu Məsələləri üzrə Komissiya, Əmək və Əhalinin Sosial Müdafiəsi Nazirliyi və Tələbə Qəbulu üzrə Dövlət Komissiyasına tapşırılıb.
2012/2013-cü tədris ilində Dövlət Proqramı çərçivəsində təhsil almaq üçün prioritet ixtisaslara “İqtisadiyyat”la yanaşı aşağıdakı ixtisaslar da salınıb: biologiya, fizika, informasiya texnologiyaları, kənd təsərrüfatı, kimya, qədim dillər, mühəndislik, nanotexnologiya, neft sənayesi, riyaziyyat, tibb, turizm.

 

Nəşrlər

 

Bülletendə 2013-cü ilin ikinci rübü ərzində İqtisadi Tədqiqatlar Mərkəzinin layihə fəaliyyətləri çərçivəsində həyata keçirdiyi tədbirlər (dəyirmi masa, seminar,təlim və s.), nəşrlər, mərkəz əməkdaşlarının mətbuata açıqlamaları, xarici səfərləri barədə iki dildə (azərbaycan və ingilis) məlumat verilir.

Bülleteni yükləyin

 

 

 

 

Illik hesabat 2012

 İqtisadi Tədqiqatlar Mərkəzinin 2012-ci ildəki fəaliyyətinə dair proqram və maliyyə hesabatı  

 

----------------------------------

Dovlət Proqramı cərcivəsində XARİCDƏ TƏHSİL Ən çox verilən suallara CAVABLAR

Kitabda Azərbaycan Respublikası Prezidentinin 2007-ci il 16 aprel tarixli, 2090 saylı Sərəncamı ilə təsdiq edilmiş “2007-2015-ci illərdə Azərbaycan gənclərinin xarici olkələrdə təhsili uzrə Dovlət Proqramı”na uyğun olaraq dovlət hesabına xarici ali təhsil ocaqlarında təhsilin şərtləri, iddiazıların seçim qaydaları, olkələr uzrə aylıq xərc normaları, prioritet ixtisaslar, təhsil haqlarının odənilməsi qaydaları barədə ətraflı məlumat verilib. Nəşrdə Dovlət Proqramı cərcivəsində xarici univercitetlərdə ali təhsilin muxtəlif pillələri uzrə təhsil almağın qayda və şərtləri sadə və anlaşıqlı olması səbəbindən sual-cavab şəklində oxuculara təqdim olunub. Kitab maarifləndirici xarakterlidir.

 

 

ERC facebookda