Home Tədbir Treninqlər “İqtisadiyyatın tədrisinin aktiv metodları” mövzusunda təlim keçirilib

“İqtisadiyyatın tədrisinin aktiv metodları” mövzusunda təlim keçirilib

İqtisadi Tədqiqatlar Mərkəzi ABŞ-ın  İqtisadi Təhsil üzrə Milli Şurasının  maliyyə dəstəyi ilə Gəncə şəhərində orta məktəblərin iqtisadiyyat müəllimləri üçün “İqtisadiyyatın tədrisinin aktiv metodları” mövzusunda təlim təşkil edib. Təlimdə Gəncə şəhərinin bütün ümumtəhsil məktəblərini təmsil edən 35 nəfərə yaxın dinləyici iştirak edib. 

Təhsil Nazirliyinin, Gəncə Şəhər Təhsil Şöbəsinin və Metodiki Mərkəzin təşkilati dəstəyi ilə keçirilən təlimin əsas məqsədi isə orta məktəblərdə iqtisadiyyat fənnini tədris edən müəllimlərin pedaqoji ustalığını artırmaq, onları iqtisadiyyatın məzmunu, bu sahədəki yeni meyllər, tendensiyalar və anlayışlarla bağlı məlumatlandırmaqdır. Tədbirdə təlimçi statusunda ABŞ-ın İqtisadi Təhsil üzrə Milli Şurasının sertifikatına layiq görülmüş, Xəzər Universiteti nəzdində İqtisadi və Biznes Təhsili və Araşdırmaları Mərkəzinin direktoru professor Fuad Rəsulov və İqtisadi Tədqiqatlar Mərkəzi İdarə Heyətinin sədri Qubad İbadoğlu çıxış ediblər. Təlim zamanı iştirakçılar iqtisadiyyatın tədrisinin aktiv metodları ilə yaxından tanış olmuş, xüsusilə də modelləşdirmə və işgüzar oyunların təşkili sahəsində praktiki məşğələlər keçmişlər. Təlimin sonunda onu müvəffəqiyyətlə başa vuran iştirakçılara  sertifikatlar verilib.

Təlimi şərh edən Q.İbadoğlunun sözlərinə görə, Azərbaycan məktəblərində iqtisadiyyat fənnini tədrisi ilə daha çox tarix, coğrafiya və riyaziyyat müəllimləri məşğul olur: “Bu səbəbdən də onların iqtisadiyyatın məzmunu, yeni tendensiyalar və meyllərdən məlumatları yetərli deyil. Bu, o deməkdir ki, iqtisadiyyat fənnini tədris edən müəllimlərin belə təlimlərə böyük ehtiyacı var. Biz bu ehtiyacları nəzərə alaraq çalışırıq ki, hər il müxtəlif bölgələrdə belə təlimlər təşkil etməklə region məktəblərində çalışan müəllimlərin təkmilləşməsinə nail olaq. Artıq 5 ildir ki, biz belə təlimləri təşkil edirik. Ötən il Qubada, bu il Gəncədə keçirdik, inşallah, növbəti illərdə digər bölgələrimizdə də təşkil edəcəyik. Bu istiqamətdə bizə verdiyi təşkilati dəstəyə görə Təhsil Nazirliyinə təşəkkürümüzü bildiririk.”

 

 

Nəşrlər

 

Bülletendə 2013-cü ilin ikinci rübü ərzində İqtisadi Tədqiqatlar Mərkəzinin layihə fəaliyyətləri çərçivəsində həyata keçirdiyi tədbirlər (dəyirmi masa, seminar,təlim və s.), nəşrlər, mərkəz əməkdaşlarının mətbuata açıqlamaları, xarici səfərləri barədə iki dildə (azərbaycan və ingilis) məlumat verilir.

Bülleteni yükləyin

 

 

 

 

Illik hesabat 2012

 İqtisadi Tədqiqatlar Mərkəzinin 2012-ci ildəki fəaliyyətinə dair proqram və maliyyə hesabatı  

 

----------------------------------

Dovlət Proqramı cərcivəsində XARİCDƏ TƏHSİL Ən çox verilən suallara CAVABLAR

Kitabda Azərbaycan Respublikası Prezidentinin 2007-ci il 16 aprel tarixli, 2090 saylı Sərəncamı ilə təsdiq edilmiş “2007-2015-ci illərdə Azərbaycan gənclərinin xarici olkələrdə təhsili uzrə Dovlət Proqramı”na uyğun olaraq dovlət hesabına xarici ali təhsil ocaqlarında təhsilin şərtləri, iddiazıların seçim qaydaları, olkələr uzrə aylıq xərc normaları, prioritet ixtisaslar, təhsil haqlarının odənilməsi qaydaları barədə ətraflı məlumat verilib. Nəşrdə Dovlət Proqramı cərcivəsində xarici univercitetlərdə ali təhsilin muxtəlif pillələri uzrə təhsil almağın qayda və şərtləri sadə və anlaşıqlı olması səbəbindən sual-cavab şəklində oxuculara təqdim olunub. Kitab maarifləndirici xarakterlidir.

 

 

ERC facebookda